Lugansk viloyati harbiy ma'muriyati rahbari Sergey Gaydayning so'zlariga ko'ra, Severodonetsk qo'lga kiritilgach, rus qo'shinlari kuchini Lisichanskni egallashga qaratgan. Lisichanskning o'ziga, shuningdek, Belaya Goraga havo zarbalari berilgan, qo'shni aholi punktlarida ham sezilarli vayronagarchiliklar qayd etilgan. "Vayronagarchilik ko'p - Lisichanskni deyarli tanib bo'lmaydi. Erda teleminora yotibdi, avtomobil ko'prigi jiddiy shikastlangan, snaryadlar uylarga va binolarga jiddiy zarar etkazgan", - deya Gayday so'zlarini keltirgan ma'muriyatining matbuot xizmati.
